لە حاڵەتێكی زۆر دەگمەن و ناوازەدا، منداڵێكی تەمەن 15 مانگ دووگیان بووە و پزیشكانیش لە رێی نەشتەرگەرییەكدا منداڵەكەی نێو سكیان دەرهێنا.
ئەو منداڵە ناوی "نیشا"یە و دوای لەدایكبوونی، رۆژ دوای رۆژ سكی ئاوساوە و تا لە تەمەنی 15 مانگیدا دایكی بردوویەتییە نەخۆشخانە بۆ پشكنین و بۆیان دەركەوتووە ئەو منداڵە دووگیانە و لەو كاتەی دایكی دووگیان بووە، بە دوو منداڵ دووگیان بووە و یەكێكیان لە نێو سكی منداڵەكە گەشەی كردووە و زۆر بە هێواشی گەشەی كردووە.
نیشا ئەو منداڵەی نێو سكی بۆیە هێندە دوا كەوتووە، چونكە ئەو منداڵە خۆراك و خواردنەوەی پێویستی نەخواردووە تا منداڵەكەی نێو سكی بەردەوام بێ لە گەشەكردن، بۆیە تا تەمەنی 15 مانگی منداڵی نێو سكی منداڵەكە زۆر بەهێواشی گەشەی كردووە.
ئەو حاڵەتە لە وڵاتی هیندستان تۆمار كراوە و یەكەم حاڵەتیش نییە، بەڵكو تا ئێستە لە سەرتاسەری دنیا 200 حاڵەتی تری لەم شێوەیە تۆمار كراون كە پیتاندنی سپێرم و هێلكۆكەی ئافرەت لە نێو یەكتردا دەپیتێنرێن.
لە نەشتەرگەرییەكی دوو سەعاتیدا توانییان ئەو منداڵە لە نێو سكی منداڵەكە دەربهێنن.
