بەهۆی مەیمونێکەوە 20 کەس کوژران و 50ی دیکە برینداربوون



بەهۆی گازگرتنی مەیمونێكی ماڵی لە كچێكی لیبی و لابردنی سەرپۆشەكەیەوە، لەشەڕێكی خێڵەكیدا لانیكەم 20 كەس لە شاری سەبها-ی لیبیا كوژران و 50 كەسی دیكەش برینداربوون.

میترۆی بەریتانی لەزاری بەدر ئەلدەهێلی، چالاكوانی مەدەنییەوە چۆنێتی ڕووداوەكەی ڕوونكردۆتەوە بەوەی سێ پیاو لە خێڵی (قەزازیفە) مەیمونێكی ماڵیان بەرەڵاكردووە بۆسەر كچێكی گەنج لە خێڵی ئەولاد سولەیمان  لەشاری  سەبهای لیبیا و لەئاكامدا مەیمونەكە گازی لە كچەكە گرتووە و سەرپۆشەكەی لێكردۆتەوە. 

چالاكوانەكە ڕوونیكردۆتەوە دواتر چەكدارانی خێڵی ئەولاد سولەیمان سێ پیاوەكە و مەیمونەكەیان كوشتووە و دواتر شەڕەكە لەنێوان ئەو دوو خێڵە سەرەكییەی شارەكەدا فراوان بووە و لەئەنجامدا 20 كەس كوژراون و 50 كەسی دیكەش برینداربوون.

دانیشتوویەكی شارەكە بە رۆیتەرزی ڕاگەیاندووە شەڕەكە ئەوەندە فراوان بووە تانك و موشەك و چەكی قورسی دیكەی تێدا بۆ ماوەی سێ رۆژ بەكارهێنراوە.

ڕوونیشیكردۆتەوە لەناوچەكانی شەڕ ژیان بە تەواوی وەستاوە و هێشتا ناوبەناو دەنگی تەقە دەبیسترێت.

خێڵی قەزازیفە و ئەولاد سلێمان بە بەهێزترین خێڵی چەكداری ئەژماردەكرێن لەو ناوچەیەی لیبیادا.
لەمیانی شەڕەكاندا كە لەناوجەرگەی شارەكە ڕوویانداوە هەوڵە سەرەتاییەكانی سەرۆك خێڵەكان بۆ هێوركردنەوەی ڕەوشەكە و ئاگربەست و وەرگرتنەوەی تەرمەكان شكستیان هێناوە.

دوای ڕووخاندنی ڕژێمی موعەمەر قەزافی لە ساڵی 2011 داـ لیبیا بەرەو ئاژاوە و بارگرژی ڕۆیشت. 





Instagram
به‌خیر بیی تكایه‌ لایك و كۆمینت و موشاره‌كه‌ی بابه‌ته‌كانمان بكه‌ به‌خیر بیی تكایه‌ لایك و كۆمینت و موشاره‌كه‌ی بابه‌ته‌كانمان بكه‌


بڵاو كردنه‌وی له‌ گۆگل پڵه‌س

عن Malpary Shaesta

    كۆمینتی بلوگه‌ر
    كۆمینتی فه‌یسبوك

0 comments:

Post a Comment

به‌خیر بیی بۆ ماڵپه‌ری شایسته‌
تكایه‌ بۆ پشتگیری كردنی ئیمه‌ كۆمینتیك بنووسه‌ وه‌ كام بابه‌ت جیی سه‌رنجه‌ لای تۆ موشاره‌كه‌ی بكه‌ لای خۆت +چه‌ندان ئادمینی پرۆفیشنالمان هه‌یه‌ ئه‌گه‌ر تۆش ئاره‌زووی ده‌كه‌ی ببیت به‌ ئادمین ئه‌وا ریساله‌ بنیره‌ بۆ په‌یج به‌لام ئه‌بی به‌كارهینه‌ری لابتۆب بیت

Follow by Email

close
Banner iklan disini