ماڵپه‌ری شایسته‌
سایتيكی بيلایه‌ن بؤ خزمه‌تی هه‌مووان

    په‌رله‌مانتارێكى نزیك له‌ عه‌بادى: عێراق نایه‌وێت پێشوازى له‌ محه‌مه‌د بن سه‌لمان بكات

    په‌رله‌مانتارێكى نزیك له‌ عه‌بادى: عێراق نایه‌وێت پێشوازى له‌ محه‌مه‌د بن سه‌لمان بكات

    په‌رله‌مانتارێكى نزیك له‌ عه‌بادى ئاشكراى ده‌كات، بۆ پێشوازیكردن له‌ جێنشینی سعوودیه‌، كه‌ بڕیار بوو له‌م مانگه‌دا سه‌ردانى عێراق بكات، به‌غدا داواى لێبوردن ده‌كات و ئاماده‌ نییه‌ پێشوازی لێبكات.



    په‌رله‌مانتار جاسم محه‌مد جه‌عفه‌ر، ئه‌ندامى فراكسیۆنى ئیئیتلافی ده‌وڵه‌تى یاسا، كه‌ به‌نزیك له‌ عه‌بادى داده‌رنێت، ڕای گه‌یاند: "پێشتر سه‌رۆك وه‌زیرانى عێراق بانگهێشتى محه‌مه‌د بن سه‌لمان، جێنشینی سعوودیه‌ى بۆ به‌غدا كرد، كه‌ بڕیار بوو له‌م مانگه‌دا سه‌ردانه‌كه‌ ئه‌نجام بدرێت".

     

     ئاماژه‌ى به‌وه‌شدا، كه‌ ڕووداوه‌كانى ئه‌م دواییه‌ى سعوودیه‌ و ناوچه‌كه‌، هه‌روه‌ها كێشه‌ى لوبنان و ده‌ست له‌كار كێشانه‌وه‌ى سه‌عد حه‌ریری، له‌ سه‌رۆكایه‌تى حكوومه‌ت، دۆخه‌كه‌یان ئاڵۆز كردووه‌، گوتیشی: "بۆ عێراق قورسه‌ له‌م دۆخه‌دا پێشوازى له‌ كه‌سێك بكات، كه‌به‌هۆى كێشه‌ى نێوان سعوودیه‌ و ئێران، له‌ داهاتوودا زیانى پێبگات".
     
     
     
    جه‌ختیشیكرده‌وه‌، كه‌ دواخستنى سه‌ردانه‌كه‌ له‌لایه‌ن عێراقه‌وه‌ ده‌بێت، چونكه‌ به‌غدا ناتوانێت پێشوازى له‌ كه‌سێك بكات به‌نیاز بێت دژایه‌تى ئێران و حزبوڵاى لوبنانى و ته‌نانه‌ت لایه‌نه‌كانى نێو عێراق، بكات.

     👇بۆ ئه‌وه‌ی ئاگاداری نوێترینه‌كان بن له‌گه‌ڵمان بن له‌👇

    ته‌له‌گرام     فه‌یسبوك     یوتوب     تیكتۆك

close