بەڤیدیۆ.. كچە 6 ساڵەكەی دا بەپیاوێكی 55 ساڵ بەرامبەر بە بزنێك
باوكێكی ئەفغانی تاوانێك ئەنجامدەدا كە هیچ لێخۆشبوونێكی نییە، بەوەی كچە شەش ساڵەكەی دەداتە پیاوێكی 55 ساڵ بەرامبەر بە بزنێك و كیسەیەك برنج و تۆزێك شەكر و چا.
رۆژنامەی زە سەن-ی بریتانی بڵاویكردۆتەوە، ئەو رووداوە هەموو رێكخراوە مرۆییەكانی تووشی شۆك كردووە.
بەپێی رۆژنامەكە، باوكی كچەكە رایگەیانووە، بەهۆی ئەوەی نەیتوانیوە ماڵ و مناڵەكەی بەخێو بكات، ئەو كارەی كردووە.
رۆژنامەكە گرتەیەكی ڤیدیۆیی رووداوەكەی بڵاو كردۆتەوە كە لەشاری غۆ بووە، كە تیایدا ئەو كچە كە ناوی (گاریبگۆل)ە، بە حەسرەتەوە دەگری كاتێك (سید عبدالكریم)ی هاوسەری دێت دەیبات.
رۆژنامەكە ئاشكرایكردووە، كەپیاوە ئەفغانییەكە وتوێتی دەستی بۆ نابات تا تەمەنی دەگاتە 17 ساڵ، بەڵام ئەوەی رووداوەكەی گەیاندووە بە پۆلیس دەڵێت "كە هەر ئەو شەوە دەستدرێژی سێكسی كردۆتە سەر ئەو كچە شەش ساڵە و بەتەنیا ماونەتەوە".
