ماڵپه‌ری شایسته‌
سایتيكی بيلایه‌ن بؤ خزمه‌تی هه‌مووان

    فه‌یسبوك سیخور ده‌رچوو!!

    فه‌یسبوك سیخور ده‌رچوو!!

    سه‌رله‌نوێ تۆڕی كۆمه‌ڵایه‌تی فه‌یسبووك كه‌وته‌وه‌ به‌ر ره‌خنه‌ و تۆمه‌تی پێشێلكردنی تایبه‌تمه‌ندییه‌تی به‌كارهێنه‌رانی، ئه‌مجاره‌یان كێشه‌كه‌ له‌ ئه‌پلیكه‌یشنی مه‌سینجه‌ر فه‌یسبووكدایه‌.
    پێگه‌ی ئه‌لیكترۆنی "Minds" ژماره‌یه‌ك وێنه‌ی ئه‌و رێككه‌وتنه‌ی بڵاوكردووه‌ته‌وه‌ كه‌ له‌ كاتی دابه‌زاندنی ئه‌پلیكه‌یشنه‌كه‌دا به‌كارهێنه‌ران ده‌بێت ره‌زامه‌ندی له‌سه‌ر ده‌ربڕن، ئه‌و رێككه‌وتنه‌ش ده‌سته‌واژه‌ی وای تێدا نووسراوه‌ كه‌ زۆر كات تایبه‌تمه‌ندی به‌كارهێنه‌ره‌كان پێشێل ده‌كات.


    بۆ نموونه‌ له‌ رێككه‌وتنه‌كه‌دا هاتووه‌" مه‌سینجه‌ری فه‌یسبووك ئازادی ته‌واوی هه‌یه‌ هه‌ركاتێك بیه‌وێت ده‌نگی به‌كارهێنه‌ران تۆمار بكات بێ ئه‌وه‌ی ئاگاداری به‌كارهێنه‌ره‌كه‌ بكاته‌وه‌".
    ئه‌و به‌نده‌ی رێككه‌وتننامه‌كه‌ به‌ ته‌واوی به‌مشێوه‌یه‌ نووسراوه‌" فه‌یسبووك به‌هۆی به‌كارهێنانی مایكرۆفۆنی ته‌له‌فۆنه‌كه‌ هه‌ر كاتێك بیه‌وێت بێ ئه‌وه‌ی ره‌زامه‌ندی به‌كارهێنه‌ر وه‌ربگرێت هه‌ڵده‌ستێت به‌ تۆماركردنی ده‌نگ".
    نیگه‌رانییه‌كه‌ له‌وه‌وه‌ سه‌رچاوه‌ی گرتووه‌ كه‌ ره‌زامه‌ندی ده‌ربڕینی به‌كارهێنه‌ر ناچارییه‌  چونكه‌ ئه‌گه‌ر ره‌زامه‌ندی نه‌دات ناتوانێت ئه‌پلیكه‌یشنه‌كه‌ دابه‌زێنێت، به‌ڵام به‌هۆی درێژی مه‌رجه‌كانه‌وه‌ به‌كارهێنه‌ران خۆیان له‌ خوێندنه‌وه‌ی ئه‌و به‌ندانه‌ ده‌بوێرن و نازانن فه‌یسبووك له‌ پشت ئه‌وانه‌وه‌ خه‌ریكی چییه‌.
    هه‌ر ئه‌وه‌نده‌ نییه‌، به‌ڵكو دیسان له‌و رێككه‌وتنه‌دا نووسراوه‌" مه‌سنجه‌ری فه‌یسبووك ده‌توانێت كامێرای مۆبایله‌كه‌ت ولیستی په‌یوه‌ندی تایبه‌ت به‌ به‌شداربووان به‌كاربهێنێت".

     👇بۆ ئه‌وه‌ی ئاگاداری نوێترینه‌كان بن له‌گه‌ڵمان بن له‌👇

    ته‌له‌گرام     فه‌یسبوك     یوتوب     تیكتۆك

close